Эрүүл мэндийн яамнаас цаг үеийн асуудлаар ээлжит мэдээллээ хийлээ. Энэ үеэр ХӨСҮТ-ийн захирал Д.Нямхүү “2020 оны 3 дугаар сарын 26-нд эмчилгээнд орсон хоёр хүн эдгэрч, дараагийн шатны эмчилгээнд шилжлээ. Өчигдөр 332 хүнд шинжилгээ хийсэн. Тавдугаар сарын гурванд Франкфуртийн нислэгээр ирсэн 273 хүнд шинжилгээ хийснээс нэг хүнд коронавирусийн халдвар илэрлээ. Ингэснээр нийт батлагдсан тохиолдол 40 боллоо.Одоогийн байдлаар ХӨСҮТ-д 101 хүн байна" гэсэн мэдээллийг өглөө.

Мөн Швед улсаас холбогдсон нэг монгол иргэний шинжилгээний хариу эерэг гарч, гэрээр эмчлүүлж байна. Түүний биеийн байдал хөнгөн байна гэсэн мэдээллийг өглөө