УИХ-ын чуулганы үдээс хойших нэгдсэн хуралдаан ““АЛСЫН ХАРАА-2050” Монгол Улсын урт хугацааны хөгжлийн үзэл баримтлал батлах тухай” Улсын Их Хурлын тогтоолын төслийн анхны хэлэлцүүлгийг хийж байна. 

Д.Эрдэнэбат, Монгол төрийн хөгжлийн гол бичиг баримт батлагдах гэж байгаа учир хүндэтгэлтэй хандах ёстой. Алсын хараа-2050 бичиг баримтыг боловсруулахад маш олон эрдэмтэн мэргэд, туршлагатай улстөрчид ажиллан боловсруулсан. Энэ тогтоол батлагдсанаар “Тогтвортой хөгжлийн үзэл баримтлал-2030” хөтөлбөр хүчингүй болох юм байна. Алсын хараа-2050-д хөгжлийн дунд хугацааны асуудлууд хэрхэн тусгагдсан бэ?

С.Бямбацогт, Монгол Улсын Засгийн газраас жил гаруй ажлын хэсэг ажиллаж, УИХ-ын бүх бүлгийн дарга, байнгын хороо болон УИХ-д суудалтай намын дарга нар ажлын хэсгийн бүрэлдэхүүнд орж ажилласан. 2021-2030, цаашаа 2050 он хүртэл хэрэгжих хоёр үе шаттай. “Тогтвортой хөгжил-2030”-д нэг хүнд ногдох ДНБ-ийг 17500 ам долларт хүргэнэ гэж үзсэн бол энэ нь арай боломжгүй гэж үзэж, 12000 мянган долларт хүргэх зорилт тавьсан.