Сонгинохайрхан дүүргийн 29-р хорооны сургууль цэцэрлэгийн цогцолбор энэ оны 9 дүгээр сард хүүхэд багачуудаа хүлээн авна.

Москва хороолол орчимд сургууль, цэцэрлэггүй байсаар өдийг хүрлээ. Нийт 15 тэрбум төгрөгийн төсөвт өртгөөр 960 хүүхдийн суудалтай сургууль, 240 хүүхдийн ортой цэцэрлэгийн барилгын ажил өнгөрсөн 4-р сард бүрэн дуусч ашиглалтанд ороход бэлэн боллоо.

Улсын Их хурлын гишүүдийг аж ахуйн ажил хийлээ, СӨХ-ийн ажил хийлээ гэж их шүүмжилдэг. Тэнд ард иргэд маань амьдардаг учраас анхаарахаас өөр арга байхгүй. Болохгүй байгаа ажлыг нь болгохын төлөө, хийгдэхгүй байгаа ажлыг нь хийхийн төлөө явах ёстой.

Өнгөрсөн хугацаанд СХД-ийн 18,19-р хорооны 12 орон сууцны дээврийн их засварын ажлыг хийж дуусгажээ. Энэ хэсгийн байрууд ихэнхи нь хуучны байрууд учраас дээврээс ус гоождог, дулаан алдагдал ихтэй гээд олон асуудлыг дагуулж байсан. Ямар ч байсан эдгээр асуудлыг улс, нийслэл, орон нутгийн төсөвт суулгуулан шийдвэрлэлээ...