Эрүүл мэндийн яамнаас цаг үеийн асуудлаар мэдээлэл хийж байна. Гадаадад буй монгол улсын 30 иргэн коронавирусийн халдвар авсан. Одоогийн байдлаар эдгээр хүмүүсийн 13 нь эдгэрсэн байна. ЭМЯ-ны 24 цагийн ажиллагаатай 119 утсанд бага насны хүүхдээ гадуур дагуулж явж буй талаарх санал гомдол их иржээ.

ХӨСҮТ-ийн Тандалт судалгааны албаны дарга А.Амбасэлмаа: “Өчигдөр хийсэн шинжилгээгээр коронавирус илрээгүй. Алтанбулагийн боомтоор орж ирсэн тээврийн жолоочдод шинжилгээ хийхэд, коронавирус илрээгүй. ХӨСҮТ эмчлэгдэж буй 28 хүний биеийн байдал хэвийн байна” гэв.