28 настай Японы мэргэжлийн сумогийн бөх Шобуши коронавирусийн халдвараар нас баржээ. Тэрээр мэргэжлийн сумо бөхчүүдийн дундаас хамгийн анхны коронавирусаар нас барсан тамирчин болсон хэмээн Японы Сумогийн холбооноос мэдээлжээ.

Шобушигийн биеийн байдал дөрөвдүгээр сарын 19-нд огцом муудаж эрчимт эмчилгээнд хамрагдсан байна. Тэрбээр дөрөвдүгээр сарын наймны өдөр 38 хэм хүртэл халуурч бусад шинж тэмдэг илэрсэн учир эмнэлэгт хэвтсэн аж.

Энэ сарын эхээр Японы Сумо бөхийн холбоо цар тахлын улмаас тавдугаар сарын  сумогийн тэмцээнийг цуцалж, долдугаар сарын Нагояд болох тэмцээнийг Токиогийн Рёгоку Кокугикан ордонд шилжүүлж, үзэгчгүйгээр хаалттай хэлбэрээр зохион байгуулахаа мэдэгджээ.

Эх сурвалж: Japan times