2020 оны УИХ-ын сонгуульд нэр дэвшигч нь хөрөнгө, орлогын мэдүүлгээ Авлигатай тэмцэх газрын https://meduuleg.iaac.mn/ цахим системд гаргаж, бүртгүүлэх үүрэгтэй. Нэр дэвшигчдийн мэдүүлгээ гаргах хуулийн хугацаа энэ сарын 17-19-ний өдрийн 00:00 цаг хүртэлх хугацаанд явагдах юм.

Улсын Их Хурлын сонгуульд нэр дэвшигчид дээрх хугацаанд тус газрын https://meduuleg.iaac.mn/ цахим системд нэвтэрч мэдүүлгээ бүртгүүлж, цахим системд мэдүүлгээ үнэн зөв мэдүүлснийг баталгаажуулах “Баталгааны маягт”-ыг Сонгуулийн ерөнхий хороонд хүргүүлэх ёстой.

Хөрөнгө, орлогын мэдүүлгийг цахимаар мэдүүлэх хуулийн хугацаа 2020 оны тавдугаар сарын 19-20-ны өдөр шилжих шөнийн 00.00 цагт дуусгавар болж цахим систем автоматаар хаагдахыг анхааруулж байна.

Нэр дэвшигчдэд 70112484, 70112485, 70112469, 70110252, 70112427 дугаарын утсаар болон тус газрын цахим шуудангаар заавар, зөвлөмж өгч ажиллана. Мөн амралтын өдрүүд болох 2020 оны  тавдугаар сарын 16-ны бямба, 2020 оны тавдугаар сарын 17-ны ням гариг, 2020 оны тавдугаар сарын 18, 19-ний өдрүүдэд уртасгасан цагаар ажиллах аж.