Эрүүл мэндийн яамнаас Шуурхай удирдлагын мэдээллийн системийг танилцууллаа.

Энэ үеэр тус яамны Эрүүл мэндийн цахим мэдээллийн хэлтсийн дарга Т.Бат-Эрдэнэ: “Улсын онцгой комисс, Эрүүл мэндийн яам коронавирусийн халдварт өвчинтэй тэмцэх маш олон ажил хэрэгжүүлсний нэг нь Шуурхай удирдлагын ERP системтийг хийсэн явдал юм. Одоогийн байдлаар Монгол улсад коронавирусийн голомт гараагүй. Ихэвчлэн гадаадад буй монгол иргэдийгээ авч ирж эмчилж байгааг та бүхэн мэдэж байгаа. Тэр хүмүүсийг зөөвөрлөж ирдэг шат дамжлага бүр дээр бүртгэлийн системийг хийсэн. Иргэний хүсэлтийг авахаар irgen.mohse.mn веб сайтыг ажиллуулахаар бэлэн болгосон.

Мөн хилээр орж ирсэний дараа тусгаарлах байр луу орж байгаа иргэдийн дахин баталгаажуулах бүртгэлийг хийж, биеийн байдлыг нь тандах зэргийг аппликейшнээр хянаж байна. Дараа нь гэрийн ажиглалтанд гарсан иргэддээ зориулаад тухайн иргэнийг хянах мобайл аппликейшн хийгдсэн байгаа”  гэв.