Энэ үеэр АН-ын Ерөнхий нарийн бичгийн дарга Ц.Баатархүү хэлэхдээ “АН-ын 76 нэр дэвшигчийн албан ёсны үнэмлэхийг гардан авч, хүлээлгэн өглөө. АН энэ удаагийн УИХ-ын сонгуульд дарга нар мэдээллийн давуу байдлаараа иргэдэд очих ЖДҮ-ийн зээлийг авдаг байдлыг зогсооё, Монголын төрийг тунгалаг болгоё, төр нь иргэдээ сонсдог ойлгодог болъё. Эдийн засгийн өсөлт цаасан дээр биш өрх бүрт мэдрэгддэг  тогтолцоог бүрдүүлэх зорилгоор “Өсөлтийг өрх бүрт” гэдэг уриатайгаар энэ удаагийн сонгуульд оролцож байна. АН-ын мөрийн хөтөлбөр мөрөөдлийн жагсаалтууд биш иргэд олон нийтийн санал дүгнэлт шингэсэн.  Хуулийг хүндэл, хуулийн биелүүлэхийг бусад нэр дэвшигчдэд уриалж байна. Бодлогоор мөрийн хөтөлбөрөөр сонгох, сонгогдох эрхийг дээдэлж өрсөлдье. Энэ удаагийн сонгуульд АН бүтэн ялалт байгуулах боломж бий” хэмээн ярилаа.