2020 оны 5 дугаар сарын 28-ны байдлаар хөрсний 0-20, 0-50 см гүн дэх чийгийн нөөц буудай тариалсан талбайн хувьд Булганы Сэлэнгэ, Өвөрхангайн Хархорин, Сэлэнгийн Ерөө, Цагааннуур, Дархан-Уулын 6-р бригад, Алтангадас, Цайдамын талбайд хангалттай, Хэнтийн Гурванбаянд дунд зэрэг, Дорнодын Халхгол, Сэлэнгийн Орхонтуул, Орхон, Баруунхараа, Төвийн Угтаал, Эрдэнэсантад хангалтгүй байна.

Төмс тариалсан талбайн хувьд Сэлэнгийн Зүүнхараа, Баруунхараа, Төвийн Баянчандмань, Дархан-Уулын Алтангадас, Хэнтийн Өндөрхаанд хангалттай, Сүхбаатарын Баруун-Урт, Төвийн Жаргалантад дунд зэрэг, Архангайн Төвшрүүлэх, Дорнодын Баян-Уул, Чойбалсан, Өвөрхангайн Хархорин, Төвийн Угтаалд хангалтгүй байна.