УИХ-ын сонгуулийн сурталчилгааны үеэр 23-р тойрогт АН-с нэр дэвшигчид иргэд, сонгогчидтой уулзсаны дараа Ерөнхийлөгч асан Ц.Элбэгдоржийн хүү Баянзүрх дүүргийн ИТХ-ын төлөөлөгч Э.Эрдэнэ тэргүүтэй залуучууд иргэдийн суусан сандлыг эмхэлж, хаясан хогийг нь түүжээ. Түүний энэ үйлдлийг SHuurhai nam  гэсэн фэйж хуудсаар шүүмжилтэй ханджээ. Түүний хариуд Баянзүрх дүүргийн ИТХ-ын төлөөлөгч Э.Эрдэнэ өөрийн фэйжээрээ дамжуулан дараах тайлбарыг хийжээ. 

Уучлаарай троллууд минь, хог түүж сандал зөөх нь надад тийм гутармаар зүйл биш! Дээр нь та нарыг бодвол ТҮК-ийн ажилчид сайхан сэтгэлтэй, хөдөлмөрч зүтгэлтэй хүмүүс байдаг. Өөрийн хаясан хогийг хэний хэн нь ч байсан түүгээд хогийн саванд хийчих санаачилгатай байх хэрэгтэй. Энэ бол миний хүмүүжил! Зарим нь бас Төрийн Тэргүүн байсан хүний хүү хог түүж Төрийн сүлд хийморийг гутаалаа гээд байх юм. Бас уучлаарай, Төр нь иргэддээ үйлчлэх үүрэгтэй юм шүү!