Өнөөдрийн уулзалт БЗД-ийн 10-р хорооноос эхэллээ. Намайг дэмжиж залуучууд их ирсэн байна. Тэд ирээдүйгээ хэнд атгуулах шийдвэрээ нухацтай гаргаж, өөрсдийнхөө төлөө сонгуульдаа идэвхтэй оролцохоо илэрхийлж байна. "Ирээдүйнхээ төлөө таныг сонгоно" гэж итгэл дүүрэн байгаа дүү нартаа баярлалаа. Миний үед олон залуус амьдрал хөөж гадагшаа явсан. Заримдаа гадагшаа явчих хүсэл төрдөг л байсан. Казахстан улсын өндөр цалин амласан саналаас ч татгалзсан. Зорилгодоо тууштай байж Монголдоо үлдсэний ачаар “Элэг шилжүүлэн суулгах” хагалгааг Хавдар судлалын үндэсний төвдөө нутагшуулах ажлыг хэрэгжүүлж чадсан юм.
Залуучууд та бүхэн минь зөв сонголт хийж, эхлүүлсэн ажилдаа тууштай байж заавал АМЖИЛТ гаргаарай!