Нийслэлийн СБД-ийн газар нутаг 11-р хороонд байрлах УБЕГ-ын хажуугийн барилгын ханыг нураах явцад дөрвөн хүн дарагдаж, улмаар нэг хүн нас барсан гэх мэдээлэл ирлээ. Онцгой байдлын ерөнхий газрын аврагчид өдгөө нурангид дарагдсан хүмүүсийг гаргахаар газар дээр нь ажиллаж буй аж. Цагдаагийн ерөнхий газрын Хэвлэл мэдээллийн төвийн ахлах мэргэжилтэн, цагдаагийн ахмад М.Мөнхшүрийн хэлж буйгаар барилгад нийт гурван хүн дарагдсан бөгөөд хоёр хүнийг эсэн мэнд аварсан. Нэг хүн нь нас баржээ.