Казахстаны анхны Ерөнхийлөгч Нурсултан Назарбаев коронавирусээр халдварлажээ. Өдгөө 79 настай түүнийг тусгаарлагдаж байгаа тухай Казахстаны анхны ерөнхийлөгчийн цахим хуудсанд мэдээлсэн байна. “Одоогоор Казахстаны анхны ерөнхийлөгч өөрийгөө тусгаарлах дэглэмийг сахиж байна. Түүний сүүлд өгсөн коронавирусийн шинжилгээний хариу эерэг гарчээ. Тэрбээр алсаас ажлаа үргэлжлүүлнэ” хэмээн мэдэгдэлд дурджээ.  Тус улсад коронавирусийн халдварын 15877 тохиолдол бүртгэгдэж, халдварын улмаас 100 хүн эндэж, 10.065 хүн эдгэжээ.