2020 оны улстөрийн сонгуулийн үр дүнд байгуулагдсан ШИНЭ ПАРЛАМЕНТЫН ГИШҮҮД төрийнхөө туганд тангараг өргөж, анхдугаар хуралдаанаа хийлээ. Энэ удаагийн парламентад МАН-62, АН-11, "Та бидний эвсэл", "Зөв хүн электорат эвсэл", бие даагч тус бүр нэг нийт улстөрийн дөрвөн намын  75 гишүүнтэйгээр хууль тогтоох үйл ажиллагаагаа эхлүүллээ. 

Хуулийн дагуу парламентад олонхийн суудал авсан нам хууль тогтоох байгууллагыг тэргүүлдэгийн хувьд 62 суудал авсан МАН-ын бүлэг, Удирдах зөвлөл шуурхай хуралдаж ШИНЭ ПАРЛАМЕНТЫН АНГИЙН ДАРГЫГ сонголоо. Шинээр бүрдсэн УИХ-ын үйл ажиллагааг цааш удирдан чиглүүлэх гол хүнээр Баянхонгор аймгаас сонгогдсон Г.Занданшатарыг улираан сонголоо. Тэрбээр УИХ-ын дарга болсныхоо дараахан Үндсэн хуулийн нэмэлт өөрчлөлтийг хийж, улстөрийн түүхэнд өөрийн нэрээ тод үлдээсэн улстөрийн гарамгай зүтгэлтэн юм. Түүнийг УИХ-ын гишүүдийн 100 хувийн саналаар хууль тогтоох байгууллагын тэргүүнээр сонгожээ....