Тээврийн цагдаагийн албаны Урьдчилан сэргийлэх хэлтсийн дарга Э.Энхболд: 2019 онд 110 мянган тээврийн хэрэгсэл хотоос гарч, орох хөдөлгөөн хийсэн. 2020 онд буюу энэ жил 231 мянган тээврийн хэрэгсэл нийслэлээс гарч оржээ. Өөрөөр хэлбэл, нийслэлд 350 мянган тээврийн хэрэгсэл идэвхтэй байдаг бол тэдний 231 мянга нь нийслэлээс гарчээ. Зөвхөн цагдаад торгуулахгүй байх үүднээс аюулгүйн бүсээ зүүгээд бусад үед тайлах сөрөг хандлага байна.

Баяр наадмын амралтын өдрүүдэд гарсан зам тээврийн ослын талаар Тээврийн цагдаагийн албанаас танилцуулж байна.

Энэ хугацаанд 25 хүний амь нас хохирчээ. Согтуугаар тээврийн хэрэгсэл жолоодсон 198 жолоочийг илрүүлж, болзошгүй аюул ослоос урьдчилан сэргийлжээ. Мөн хотоос гармагцаа хурд хэтрүүлдэг нь жолооч, зорчигчид эрүүл мэнд, амь насаараа хохирох шалтгаан болж байгааг тодотголоо.