Монгол Улсын хөгжлийн банк шилэн данс хөтлөлт хангалтгүй мөн урсгал зардал болон гүйлгээний утга, мөнгөний зарцуулалт тодорхойгүй үр дүнгүй зарлага гаргасаар байна. .

Монгол Улсын Хөгжлийн банк (МУХБ) нь үндэсний эдийн засгийн тогтвортой өсөлтийг хангах тэргүүлэх салбаруудад хэрэгжих төсөл, хөтөлбөрийг санхүүжүүлэх, импортыг орлох, экспортын орлогыг нэмэгдүүлэх үйлдвэрлэл, үйлчилгээг хөгжүүлэхэд шаардлагатай хөрөнгийн эх үүсвэрийг бүрдүүлэх зорилготой банк болохын хувьд тус банкны засаглалын тогтолцоонд Улсын Их Хурал, Засгийн газар, Сангийн яам, Монголбанк, Үндэсний болон олон улсын аудитын байгууллага, Монгол Улсын Хөгжлийн банкны Төлөөлөн удирдах зөвлөл, дотоод аудит, Гүйцэтгэх удирдлага гэсэн институцүүд оролцож, хоорондоо харилцан уялдаа, хяналттай, нэгдмэл удирдлагын хүрээнд ажилладаг. Нэг үгээр хэлбэл төсвөөс санхүүждэг ашгийн төлөө, төрийн өмчит хуулийн этгээд билээ.Уг байгууллага нь 2011 онд засгийн газрын шийдвэрээр байгуулагдаж байсан бол Шилэн дансны тухай хууль 2014 онд батлагдан хэрэгжиж эхэлсэн юм. Гэтэл МУХБ шилэн данс хөтлөлт 2020 оноос эхэлсэн байна. Төсвийн мөнгөнөөс санхүүжиж үйл ажиллагаа явуулдаг уг байгууллага төсөв зарцуулагдаж буй хөрөнгөө ард түмэндээ тайлагнахгүй байгаагийн цаад шалтгаан нь  юу байх вэ? Үнэхээр үр дүнтэй, зөв зүйтэй зарцуулсан бол шилэн данс хөтлөхөөс цааргалах зүйл байхгүй.

Эзэмшил газрынхаа талбайн түрээсийг дундын өмч хамтран эзэмшигч хувийн компани руу шилжүүлж байгаа нь ойлголтоос давчихаад байна. Ийнхүү ард түмний анзаараггүйг далимдуулж, үгийн утгыг түрээс мэтээр гуйвуулан  утга нь үл тайлагдах гүйлгээг төрийн өмчийн компани улсын төсвөөс гаргасан байгааг та бүхэн харж болно. Энэ гүйлгээ хэзээнээс эхэлсэн болохыг бид мэдэх боломжгүй. Шилэн данс хөтлөж эхэлсэн цагаас нь харвал 2020 оны Нэгдүгээр сараас эхэлж сар бүр 9.720.000 жилийн 12 сард 116.640.000 төгрөг болох юм. Төрийн өмчит компани болон төсвөөс санхүүждэг бүх л байгууллага шилэн данс хөтлөлтийг цаг тухай бүрт хөтөлдөг байхыг бид шаардах эрхтэй. Энэ мэтийн утга нь үл ойлгогдох гүйлгээнүүдийг учрыг тодруулах хэрэгцээ зайлшгүй үүсээд байна. Ард түмний мөнгөөр төр тоглохыг хараад бид зүгээр сууж болохгүй  гэдгийг та бүхэндээ сануулахыг хүслээ. 

Хөгжлийн банкны сар бүрийн эхний зарлага Худалдаа хөгжлийн банк руу шилжиж буй баримтыг хавсаргав.