“Баялаг Ундраа” худалдааны төвийн Мал эмнэлэг ариун цэврийн хяналтын Лабораторийн эрхлэгч Ц.Хосбаяр:

-Худалдаа эрхлэгчид ил задгай борлуулалт хийж байна. Эрүүл ахуйн бичиг нь лабораторт байдаг гэдэг тайлбар өгч байна. Танд худалдаа эрхлэгчдийн холбогдох бичиг баримтууд нь байна уу?

-Бид шалгаж өгдөг үүрэгтэй. Албан бичиг худалдаа эрхлэгчдэд байх ёстой. Манай бүртгэлийн систем цахим болсон үзүүлэх цаас байхгүй ээ” гэв.  

Чухам хольцгүй Органик гэдгийг батлах албан ёсны батламжгүй учир иргэд мэдрэмж, итгэлцэл дээр тулгуурлан худалдан авалт хийж байна. Мөн Цагаан сарын цагаан идээгээ автал ааруул нь цул гурил, аарц нь ус, цагаан тос нь тэр чигтээ шар тос байна гэх гомдол цахим сүлжээнд ихээхэн гарч байна. Бас нэгэн шаардлага хангахгүй асуудал нь цагаан идээг олны хөлийн тоосонд ил задгай худалдаалж байсан асуудал юм. Хэрхэн шаардлага тавьдаг талаар эрүүл ахуйчтай нь уулзах гэтэл ажлын байрандаа эзгүй байлаа.

Баялаг Ундраа худалдааны төв Засгийн Газраас хэрэгжүүлсэн “дотоод хяналт шалгалт”-ын тухай хуулийг зөрчдөг болох нь тогтоогдов. Бид сурвалжилгаа цааш үргэлжлүүлэн “Хэрэглэгчийн Эрхийг Хамгаалах Хууль”-ийг үндэслэн ШӨХТГ-ын Хэрэглэгчийн эрхийг хамгаалах төвийн дарга Ш.Цэрэндуламаас тодруулга авлаа.

Өрсөлдөөний тухай хуулийн 12.1.2 буюу “Өөрийн бараа бүтээгдэхүүний талаар худал мэдээлэл өгөх, үнэн байдлыг гуйвуулах зэргээр бусдыг төөрөгдүүлэх  байдлаар худалдаа эрхэлсэн нь тогтоогдвол хувь хүн хоёр сая, хуулийн этгээд 20 сая төгрөгөөр торгуулна. Энэ хуулийн заалтаас хэн ч мултрах боломжгүй. Манай байгууллагад цагаан идээг гурилтай хольсон, жин нь дутуу байна гэх гомдол ирдэг. Тухайн хүнсний бүтэц, аюулгүй байдлыг хольцтой эсэхийг “Мэргэжлийн Хяналтын Ерөнхий Газар”-ын Хүнсний төв лабораторид дээж өгч шинжлүүлнэ. Албан ёсоор гурилтай ааруул худалдаалж байгаа нь лабораторийн шинжилгээгээр тогтоогдвол тухайн худалдааны төв давхар хариуцлага хүлээнэ. Тухайн бүтээгдэхүүнийг зарж борлуулсан худалдаа эрхлэгч жилийн орлогийн 4%-6%-тай тэнцэх хэмжээний мөнгөн торгууль төлөх хатуу хуулийн зохицуулалт бий. Мөн аж ахуй нэгжүүдэд анхааруулж хэлэхэд МУ-ын Засгийн Газраас гаргасан Дотоод хяналт шалгалтын тухай хуулиа мөрдөж, зах худалдааны төвүүд өдөр тутмын  хяналтаа чангатгах ёстой гэлээ.