Үеийн үеийн Байгаль орчны сайдууд, хотын дарга нарын “попорч” оноо цуглуулдаг гол сэдэв нь Улаанбаатарын урд сүндэрлэх дархан цаазат “Богдхан” уулыг дахиж ухуулахгүй, зөвшөөрөл өгөхгүй гэх “бардам” амлалт. Улиг болсон энэ яриа өнөөгийн хотын дарга Д.Сумъяабазарыг ч бас тойрохгүй нь бололтой!!

Тодруулбал Баянзүрх дүүргийн 25-р хорооны нутаг дахь Богдхан уулын Залаатын зүүн амыг ухаж, дахин байшин барилга барих ажил эхэлсэн байна. Ингэхдээ өмнөх бүтээн байгуулалтуудыг нь сүйдлэж, авто замыг сэтлэж, замын төмөр хашлагыг нь сүйтгэжээ.

Нарийн зам дээр аюултай байдал үүсгэж байна. Үерийн ус зориулалтын бус гарцуудыг даган урсаж асфальтан зам эвдлэн эргээд засах эзэнгүй үлддэг. Өмнөх замуудын аюулгүй байдал түгжрэлээ яая гэж байж дараагийн асуудлаа өөрсдөө бий болгож байна.

Нийтийн өмчид дураараа халдаж, иргэдийн эрүүл аюулгүй орчинд амвдрах эрхийг зөрчиж байгаа дээрх балмад үйлдлийг таслан зогсоохыг Байгаль орчны яам болон Нийслэлийн удирдлагууд яаралтай анхааралдаа авна уу!!!