Соёлын яам хэрэггйү дэмий зүйлд татвар төлөгчдийн мөнгийг үрж байхад тус яамны хийх ёстой ажлыг Архивын газар хийж байгаа нь анхаарал татав. Учир нь Монголчуудын соёлыг хамгаалах, соёл урлагийг хөгжүүлэх, дэлхийд таниулах, өв уламжлалаа сэргээх гээд бүхий л талын үйл ажиллагааг хийж хэрэгжүүлэх төрийн гол байгууллага бол Соёлын яам юм. Гэтэл уг яамны онцгой анхаарч хийх ёстой “аман өв”-ийг Архивын газар хийж, татвар төлөгчдийн 46 сая төгрөгийг зарцуулжээ.

Монголын орчин цагийн оюун соёлыг тэргүүлэх зүтгэлтнүүдийн уран бүтээл, үзэл бодол, ажил мэргэжлийг сурталчилан таниулах, улмаар захиас сургамжийг нь үлгэрлэн авч үлдэх уг төслийн зочноор Монгол улс, ЗХУ-ын баатар, “Чингис хаан” одонт, Сансрын нисгэгч, хошууч генерал, доктор, профессор Ж.Гүррагчаа оролцсон байна.  “Монголчуудын аман өв” төслий Хууль зүй дотоод хэргийн яамнаас санаачлан санхүүжүүлж, Архивын газар гүйцэтгэсэн байна.