Монгол Улсын Засгийн газраас хэмнэлтийн 43-р тогтоол батлаж “цалин хөлсийг нэмэгдүүлэхгүй, шагнал, урамшуулал олгохгүй байх, зочин төлөөлөгч хүлээн авах, бэлэг дурсгал (цүнх, календарь, мэндчилгээ г.м)-ын зардлыг гаргахгүй байх”-ыг бүх төрийн байгууллагуудад даалгасан. Энэ тогтоол өнөөг хүртэл хүчин төгөлдөр хэрэгжиж байгаа. Мөн 2022 оны 04 сарын 29-нд ТӨРИЙН ХЭМНЭЛТИЙН ТУХАЙ ХУУЛЬ хэрэгжиж эхэлсэн. Энэ хуулиар ч бас шагнал урамшуулал олгохыг хатуу хориглосон.

Гэтэл Нийслэлийн Багануур дүүргийн Засаг дарга С.Эрдэнэбаяр хууль зөрчин УРАМШУУЛАЛ олгохдоо өөрийг нь дагадаг, удирдлага доороо ажилладаг ДАРГА НАРТАА олгосон нь анхаарал татаж байна. 2021 онд Багануур дүүргийн Тамгын газрын дарга нар л үр дүнтэй сайн ажилласан юм байх. Бусад нь ажил хийдэггүй бололтой. Өөрийн хоёр орлогчоо, Тамгын газрын даргаа, хоёр хорооны Засаг даргаа бүгдийг нь 90 хувийн үнэлгээтэй сайн ажилласан гэж үзэн цалингийн 40 хувийн урамшуулал ОЛГОСОН байна!!