Нийслэлийн Сонгинохайрхан дүүргийн 26 дугаар хороо хогны асуудлаа наадмаас хойш шийдэхэд хүндрэл үүсчээ. Тухайлбал тус хорооны оршин суугчдын мэдээллээр хог тээвэрлэлтийн байгууллага нь хогоо ачихгүй хоёр сар болсон байна. Тус хугацаанд айлуудын хог хашаандаа дүүрснээр гудамж, талбайд хөглөрөх болжээ. Улмаар орчны бохирдлоо шийдэх зорилгоор иргэд өөрсдөө машин хөлслөн хогоо ачуулж байгаа байна.

Ийнхүү тус дүүргийн Хог тээвэрлэлтийн газраас мэдээллийг тодруулахад хүний нөөц хомсдсон болон бензин, шатахууны үнэ нэмэгдсэн учир урьдных шигээ сар бүр хог тээвэрлэхэд хүндрэлтэй байгаа гэдгийг хэллээ.