“Таван толгой түлш” ХХК-ийн Хэрэглэгчдэд үйлчлэх албаны мэргэжилтэн П.АРИУНБУЯН: “Долоо хоногт зургаан түлш өгч байгаа нь олон удаагийн судалгааны үр дүнд шийдэгдсэн. Хүрэлцэхгүй байна гэж байгаа иргэдийн хувьд галлагаа хийж байгаа зуухаа ямар төрлийн, яаж галлах хэрэгтэй гэсэн заавраа харж хийх хэрэгтэй. Мөн гэр, байшингийн мкв-ийн хэмжээ харилцан адилгүй тул хэмжилт хийн үнэхээр зургаан түлш хангалтгүй байгаа тохиолдолд нэмэлт түлш олгоно. Сайжруулсан шахмал түлш нь 8-15 цагийн хугацаанд шатаж, дулаанаа хадгалдаг. Харин өвлийн ид хүйтэн үед гадаах температураас хамаарч харилцан адилгүй байна” гэв.