Э.Наранбаатар: LBH технологи компани нь мал амьтны био технологийн чиглэлээр судалгаа шинжилгээ явуулдаг. Энэ удаагийн үзэсгэлэндээ мал эрдэс тэжээлээр оролцож байна. Энэ эрдэс маань зөвхөн Монголын байгальд байдаг түүхий эдүүдээс гаргаж авсан. Эрдэм судлаачдын маш олон жилийн судалгааны үр дүнд гаргаж авсан эрдэс байгаа юм аа. Байгаль дээрх маш олон зүйлийн ургамлаас мал эрдсээ авч байдаг. Сүүлийн жилүүдэд Монгол оронд уур амьсгалын өөрчлөлт, бэлчээрийн дулаарал, доройтол зэрэг асуудлаас үүдээд ургамлын төрөл зүйл багасаж мал эрдсийн дутагдалд орох магадлалтай байгаа. Мал эрдсийн дутагдалд орсноор өвчлөлт орно. Жишээ нь зүүн аймгуудад яс сөнөрөх өвчин гэх мэтчилэн. Тэгээд үүнээс урьдчилан сэргийлэх зорилгоор энэхүү эрдсийг гаргаж авсан.