Монгол Улсын арилжааны банкны хамгийн нөлөө бүхий гол тоглогчдын нэг нь тухайн үеийн "АНОД" банк байлаа. Ард түмний банк нэртэйгээр үйл ажиллагаа явуулж, алтны компаниуд, уул уурхайн төслүүдийг гол санхүүжүүлэгч байсан уг банкыг тухайн үеийн улстөрчид, томоохон зээлдэгч нар нь хүч хавсраад дампууруулчихсан гэдэг. Энэ асуудлаар тус банкы тухайн удирдлагууд болох Н.Даваа /АНОД банкны ТУЗ-ийн дарга асан/, Д.Энхтөр /АНОД банкны ТУЗ-ийн дарга, гүйцэтгэх захирал асан/, Г.Гүрранз /АНОД банкны ТУЗ-ийн гишүүн/ нарыг 2008 онд эдийн засгийн гэмт хэрэг үйлдсэн гэх үндэслэлээр гэм буруутай хэмээн үзэж ялласан. Тэгвэл үнэн хэрэгтээ дээрх банкны дампуурал улстөр, банкны хүчин чадал, Монголбанкны хариуцлагагүй үйлдэл, гол зээлдэгч нарынх нь шахалтаас болсон тухай ТУЗ-ийн дарга асан Н.Даваа, гүйцэтгэх захирал асан Д.Энхтөр ярилаа.