Төрөөс хамгийн их “татаас” авч үйлдвэрийн байраа “Тавантолгой түлш” компанийг Улаанбаатар хотын АГААРЫН БОХИРДЛЫГ БУУРУУЛАХАД ЧУХАЛ ҮҮРЭГ ГҮЙЦЭТГЭСЭН хэмээн дүгнэдэг. Хотын гэр хорооллын айл өрхүүдэд сайжруулсан шахмал түлш нь олдохгүй, эрэл хайгуул болж байхад тус компанийнхан түшл хангалттай байгаа хэмээн иргэдээ хууран, тайтгаруулж байгаа.

Сайжруулсан түлшнээс үүдэлтэйгээр угаартаж нас барах тохиолдол их байсан тул Засгийн газрын тогтоолоор “УГААР МЭДРЭГЧ” байршуулж урьдчилан сэргийлэх арга хэмжээ авахаар болсон. Энэ дагуу PA-002W маркийн угаарын хий мэдрэгч төхөөрөмжийг БНХАУ-ын Гуандун мужийн Шэньжэнь хотод захиалан улсын төсвийн 3,5 тэрбум төгрөгөөр худалдан авч байв. Хятадаас ирээд хэрэглэж амжаагүй байхад эвдэрдэг “УГААРЫН ХИЙ МЭДРЭГЧ”-ийг хянах тоног төхөөрөмжийг тус компаниас сар бүр гаргаж байна. Хамгийн сүүлд “Интеллгент технологи” ХХК-ийн данс руу 123 сая төгрөгийг шилжүүлжээ.

Түүнчлэн тус компанийн захирал, удирдлагын унадаг суудлын жижиг “Соната -8” маркийн автомашины агергат засварт 7 сая 400 мянгыг “Монгол хьюндай автомотив” ХХК-ийн данс руу шилжүүлсэн бол бас нэг автомашины засварт 5 сая 700 гаруй мянган төгрөгийг “Далайн сувдан аялгуу” ХХК руу шилжүүлжээ.