Биеийн тамир спортын улсын хороо гэж тамирчдаа ч дэмждэггүй, спортоо ч хөгжүүлдэггүй нэг байгууллага байх. Дарга Д.Жаргалсайхан нь өөрөө өөрийгөө ТОМИЛОЛТООР явуулах тушаал гаргахаас өөр зүйлгүй. Д.Жаргалсайхан нь хувьдаа биеийн тамир спортын чиглэлээр зөвлөгөө өгөх, судалгаа хийх, спортын түр сургалт, спорт хэрэглэлийн худалдаа эрхлэх, спортын арга хэмжээ зохион байгуулах чиглэлийн “ТОТАЛ СПОРТ” ХХК-ийн захиралаар ажиллаж байсан. Энэ нь одоо эрхэлж буй төрийн албатай нь харшилдаж, ашиг сонирхолын зөрчил үүсэж байгаа юм. Энэ тухай АТГ-ын албан бичиг ч мөн гарсан байдаг.

Тэрчлэн ямар ч сонгон шалгаруулалтгүйгээр тус агентлагт дарга болсон нь Төрийн албаны тухай хуулийг ноцтой зөрчиж байгаа. Мөн бусадтай бүлэглэн албан тушаалаа урвуулан ашиглаж улсад их хэмжээний хохирол учруулсан гэх үндэслэлээр мөрдөн байцаалтын 201701000080 дугаартай эрүүгийн хэрэгч яллагдагчаар татагдаж байсан нэгэн юм.

Хууль бусаар томилогдсон тэрбээр хууль бус ажиллагаа ч явуулсаар байгаа гэх. Тодруулбал, Биеийн тамирч спортын улсын хорооны ажилчид Засгийн газрын 11-11 төвд гаргасан гомдолдоо

Монголын ард түмний спортын наадмын медалийг сонгон шалгаруулалт зарлалгүйгээр "Алтан тун жор" ХХК-д туслахаараа захилга өгүүлэн БНХАУ-с хямд үнэтэй медаль авчрлуулж, улсад хохирол учруулсан

Бүх ард түмний наадмын нээлт болон хаалтын ёслолыг өөрийн хамаарал бүхий спортын холбоотой хамтарч хувь хүнд шууд даалгаж, мөнгийг гаргаж өгөн ашиг сонирхолын зөрчил үүсгэсэн.

Төрийн хэмнэлтийн тухай хуулийг зөрчин өрөөндөө засвар хийлгэсэн.

Ямар ч үндэслэл, удирдамж, захирамж, хуулийн байгууллагын зөвшөөрөлгүйгээр ажилчдынхаа өрөө тасалгаанд нэгжлэг хийсэн зэрэг 20 гаруй хууль бус үйлдэл гаргасан байна.

Түүнчлэн 2022 оны 10 сарын эхээр Солонгос улс руу 8 сая 152 мянган төгрөгөөр АЙЛЧЛАЛД оролцох гэж өөртөө тушаал гаргуулсан, 2022 оны 11 сарын эхээр мөн ОХУ-ын БУРИАД улсад айлчлал хийх нэрийдлээр 9 сая 157 мянган төгрөгийг мөн л өөрөө өөртөө тушаал гаргаж зардлыг нь улсын төсвөөс гаргуулсан байна!! Энэ мэтээр хуулийг гууль болгон сэтгэж, татвар төлөгчдийн мөнгийг өөртөө ашигтай нөхцөлөөр шамшигдуулах, АЙЧЛАЛ нэрийдлээр аялал зугаалгад зарцуулсан ч ҮР ДҮН ГАРГААГҮЙ нөхөд хариуцлага тооцвол яасан юм бэ, Д.АМАРБАЯСГАЛАН сайдаа!!!