Дорнын зурхай 12 жилийг 5 махбодоор хувилган 60 жил байх бөгөөд үүнийг жаран хэмээн нэрлэдэг. Энэхүү жаран жил нь тус бүрдээ нэртэй бөгөөд тухайн ямар жил болох нь утга учиртай байдаг.

XVII-р жарны Үзэсгэлэн болгогч усан туулай жил идээ ундаа элбэг, өлсөх цангах зовлонгүй, өег цатгалан, бие мах бодийн зүдүүргүй, сэтгэлийн амар амгалантай төрийн эрх баригчид хууль дүрмээ ёсчлон дагаваас ард түмэн аз жаргал, баяр цэнгэл, дуу хуур, эгшиг аялгуу цуурайтсан өвчин зовлонгүй сайхан жил болно хэмээв.