Б.Бат-Эрдэнэ нь 2021 оны нэгдүгээр сарын 18-нд Байгаль Орчин Аялал Жуулчлалын сайдаар томилогдсон. Уг албан тушаалд томигдлогдхын өмнө Шударга өрсөлдөөн, хэрэглэгчийн төлөө газрын дарга байсан билээ.

Тэрээр 1999 онд Улаанбаатарын Их Сургуулийг Түүх судлаач, Солонгос хэлний орчуулагч мэргэжлээр төгссөн. 2002-2003 онд БНСУ-ын Ханжин группийн Топас академийг "Агаарын тээврийн холбооны иргэний зорчигч тээврийн мэргэшил"-ээр суралцсан. 2010 онд Улаанбаатарын Их Сургуулийг Түүхийн ухааны боловсролын магистр зэргээр төгссөн. 2013 оноос МУИС-ийн Шинжлэх Ухааны Сургуульд Улс төрийн судлалын докторантаар зэрэг ахиулж боловсрол эзэмшжээ.

Бат-Эрдэнэ сайд нь сошиалд идэвхтэй эмзэг сайд юм. Өөрийнх нь тухай шүүмжтэй хандсан өгүүлбэрт ч хариу өгч заргалддагаар нь хэвлэлийнхэн андахгүй. Хувь хувьсгалын ажлаа сошиалаар амжуулж хэрхэн хандалт авахаа тун сайн мэднэ. Нүхэн жорлонгуудыг нурааж ЭКО жорлон барих тухай улиг болтол нь ярьсаар Жорлон сайд гэх урт нэрийг хүртэл аваад амжсан.

Мөн Б.Бат-Эрдэнэ сайд дуучин Д.Болдод Нүхтийн аманд 2,5 га газар бэлэглэсэн гэх асуудлаар хэсэг шуугиулаад амжсан юм.