Монголбанкны АХЛАХ ХЯНАН ШАЛГАГЧ Ч.Аварзэд ЖИЛИЙН 471 саяын ОРЛОГОТОЙ, 881 саяын ХАДГАЛАМЖТАЙ

Тэрээр 2020 оны 6 сарын 3-нд Монгол банкны ахлах хянан шалгагчын албан тушаалд томилогджээ.

Монгол банкны ахлах хянан шалгагч Ч.Аварзэдийн жилийн орлого 471 сая 468 мянган төгрөг бол гэр бүлийн гишүүдийн орлого нь 437 сая төгрөг байна. 45 сая төгрөгийн үнэтэй Lexus LX 450  машинтай. 235 саяын үл хөдлөх хөрөнгөд нь 1 хашаа байшин, 1 оффис, өмчлөх 297 м/кв газар багтжээ. Ахлах хянан шалгагчын хувьд хадгаламждаа 881 сая төгрөгтэй, 37 саяын зээлтэй, 765 саяын авлагатай. Мөн 20 саяын үнэт эдлэлтэй. Эмэйзн натур ХХК 10ш , Эрдэнэс таван толгой ХК 2144ш хувьцаа эзэмшдэг гэж 2022 онд АТГ-т өгсөн ХОМ-тээ мэдүүлжээ.

Ч.Аварзэд нь 2019-2020 онд Монгол банканд захирлын үүрэг гүйцэтгэдэг байжээ. Түүнчлэн 2019 оны хөрөнгө орлогын мэдүүлэгтээ жилийн 210 саяын орлоготой, гэр бүлийн гишүүдийн орлого нь 57 сая төгрөг. Үл хөдлөх хөрөнгө нь 820 сая бөгөөд үүнд нийтийн орон сууц 2, зуслангийн байшин 1, хашаа байшин 1, оффис 1, Эзэмших-510м/кв-1, Эзэмших-700м/кв-1, Өмчлөх-297м/кв-1 газар тус тус багтжээ. Мөн 13 саяын үнэт эдлэлтэй. Хадгаламждаа 269 сая төгрөгтэй, 8 саяын авлагатай, 103 саяын зээлтэй. Эмэйзн натур ХХК 10ш, Эрдэнэс таван толгой ХК 2144ш хувьцааг эзэмшдэг гэж мэдүүлж байжээ.

Ч.Аварзэдийн хөрөнгө орлого нь богино хугацаанд их хэмжээгээр өсөж, өөрчлөлт оржээ.