Пүрэв-Очирын Анужин нь 1994 онд Нийслэлийн 12 дугаар дунд сургууль, 2000 онд МУИС-ийн Олон улсын харилцааны дээд сургууль, дипломатч, 1999 онд Токиогийн Гадаад хэлний дээд сургуульд судлаач оюутан, 2004 онд Япон Улсын Сока их сургууль, олон улсын эрх зүйч, магистраар төгсөж тус тус боловсрол эзэмшжээ.

Тэрээр 2004-2010 онд Япон Улсын “Сефти технологи” компанид эрх зүйчээр ажиллан ажлын гараагаа эхлүүлжээ. 2010 онд “Монгол тулгатны 100 эрхэм” төслийг санаачлан хэрэгжүүлэгч, 2011 онд “100 чухал сэдэв” ТВ контент санаачлан хэрэгжүүлэгч, 2016 онд “МонГал товчоон” төслийг санаачлан хэрэгжүүлэгч, 2019 онд “70/76” ТВ контент хэрэгжүүлэгчээр ажиллаж олонд танигдсан байна.

Малчдын НДШ-ийн 50 хувийг төрөөс төлөх хуулийн төслийг санаачилж, батлуулсан гишүүн юм. Тус хуулийн төслийг сонгууль угтсан халамжийн бодлого хэмээн татвар төлөгчид ихэд бухимдсан билээ. Гэтэл гишүүн маань өөрөө 1000 гаруй толгой малтай аж.