Н.Ууганбаяр нь Цагдаагийн дээд сургуулийг 1997 онд төгссөн. Чингэлтэй дүүргийн Цагдаагийн хэлтэст эрүүгийн төлөөлөгч, Эрүүгийн цагдаагийн газарт төлөөлөгч, ахлах төлөөлөгч, Сонгинохайрхан дүүргийн Цагдаагийн хэлтэст Тасгийн дарга, Эрүүгийн цагдаагийн газарт тасаг, хэлтсийн дарга зэрэг албан тушаалыг хашиж байгаад 2012-2014 онд Эрүүгийн цагдаагийн газрын даргаар томилогдон ажиллаж байжээ.

АНУ-ын Холбооны мөрдөх товчооны академийг 2008 онд төгссөн. Мөн АНУ-ын Фениксийн их сургуульд магистр хамгаалсан. Итали, Австрали улсуудад Зохион байгуулалттай гэмт хэрэгтэй тэмцэх чиглэлээр мэргэжил дээшлүүлсэн байна.

Тэрээр 2020 оны 8 дугаар сарын 5-нд гадаадын иргэн харъяатын газраар томилогджээ. Ажилаа хүлээж аваад удаагүй байхдаа тэрээр Төрийн нарийн бичгийн даргаар томилогдхоор болжээ.

Түүнчлэн 2020 онд АТГ-т өгсөн хөрөнгө орлогын мэдүүлэгтээ жилийн орлогоо 317 сая гэж мэдүүлсэн бол 2022 онд жилийн орлого нь хэд дахин буурч 21 сая болжээ. Мөн 2020 оныхтой харьцуулахад 2022 онд түүний эзэмшлийн газрын тоо дөрвөөр нэмэгдсэн үзүүлэлттэй байна.