Баянзүрх дүүрэг буюу 8-р тойрогт нэр дэвшигч Пүрэвсүрэнгийн Наранбаяр эхнэрийн хамт саналаа өгөхөөр өглөө эртлэн иржээ. ХҮН намын хүчтэй нэр дэвшигч тэрбээр сонгуулийн үеэр өглөө бүр уулзвар дээрээс лайвдах, мэтгэлцээнд идэвхитэй оролцох, иргэдийнхээ дунд алхах зэргээр бусдаасаа эрс ялгарч байсан билээ. Харин эхнэрээ нэг ч удаа кампанит ажлын үеэр гаргаагүй. Түүний эхнэрийг Туул гэдэг, Японд их сургуульд хамт сурч байсан ажээ. Япон хэлний багш түүнийг салбарынхан нь сайн мэддэг. Өнөө өглөө торгон даашинз өмсчээ. Амжилттай эрчүүдийн ард хүчирхэг, ухаалаг эмэгтэйчүүд байдаг гэдэг. Хамт яваа зургийг нь дуранд буулгаад авлаа.