2022 онд Өмнөговь аймгийн Булган сумын хүүхдүүд Францын Occitanie бүс нутгийн Auzas тосгонд эгч дүү хотын хамтын ажиллагааны хүрээнд “Сурагч солилцоо” хөтөлбөрөөр Франц улсад зочилж, франц хүүхдүүдтэй хамт хичээлд сууж, олон сонирхолтой сургалт, аялалд оролцсон билээ.

Харин 07 сарын 06ны өдөр Франц хүүхдүүд Өмнөговь аймагт хүрэлцэн ирсэн бөгөөд Аймгийн Засаг даргын орлогч Ц.Дэнээдорж хүлээн авч уулзан, хүндэтгэл үзүүллээ. Франц хүүхдүүд 07 сарын 07-нд Даланзадгад хотоор аялахаас гадна Хүүхдийн ордны авьяаслаг хүүхэд багачуудын “Зуны зугаатай өдөр” урлагийн тоглолтыг үзэж сонирхлоо.

07 дугаарын сарын 08-наас 12-ны өдрүүдэд Булган сумын үе тэнгийн хүүхдүүдтэй Монгол айлуудад амьдарч, “Наадам” фестивальд оролцохоос гадна Монгол ахуй, ёс заншилыг танилцуулсан олон төрлийн арга хэмжээнд оролцох юм.