Монгол орны ойн салбарт шинээр нэвтрүүлж буй дэвшилтэт технологи бүхий ойн хөнөөлт шавжтай тэмцэх зориулалтын Аграс Т50 (DJI Agras T50) дроны туршилт Улаанбаатар хотын ногоон бүс болох Бэлхийн амны ойн санд явагдаж эхэллээ. Тус ойн санд хөнөөл учруулж буй Сибирийн хүр эрвээхэйн голомт бүхий талбайд дрон ашиглан тэмцэх ажлыг турших, нэвтрүүлэх, судалгааны ажлыг Засгийн Газрын Хэрэгжүүлэгч Агентлаг Ойн газрын захиалгаар “Инженер геодези” ХХК, “Залуу төгөл” ХХК гүйцэтгэж байна.