Говийн иргэдийн дуу хоолойг төрд хүргэх, говийн бүсийн хөгжил, төрийн бодлого шийдвэрийг иргэдэд мэдээллэх, мэдээллийн тэнцвэрт байдлыг бэхжүүлэх зорилготой “ГОВЙИН ДУУ ХООЛОЙ” уриатай GOVINEWS.MN мэдээллийн сайт 2024 оны 11 дүгээр сарын 16-нд Дорноговь аймгийн Замын-Үүд суманд шинээр нээгдэж, уншигч, үзэгч, сонсогчиддоо анхны хуудсаа дэлгэлээ.

Монгол Улсын Засгийн газраас Бүсчилсэн хөгжлийн бодлогыг хэрэгжүүлж, Дорноговь, Дундговь, Өмнөговь, Говьсүмбэр аймгуудыг “ГОВИЙН БҮС” болгон нэгтгэсэн. www.Govinews.mn сайт бүсчилсэн хөгжлийн бодлого хэрхэн өрнөх, түүнчлэн бүтээн байгуулалт, томоохон төслүүд хэрэгжилтийг говийн бүс нутгийнхаа иргэдэд мэдээллэх, сум орон нутаг, аймаг, хил гааль дээрх тулгарч буй асуудллыг олон нийтийн дэмжлэгтэйгээр нийтлэх зэрэг үйл ажиллагааг мэргэжлийн түвшинд явуулна гэдгийг тус сайтын үүсгэн байгуулагч Т.Нэргүй онцоллоо.

Мөн орон нутгийн мэдээллийг төвийн хэвлэлүүдэд түгээх, төвийн хэвлэлүүдээс мэдээллэл хуваалцан, харилцан хамтран ажиллахын сацуу шууд дамжуулалт, фото сурвалжилга, байр суурь, иргэдийн чөлөөт индэр гэсэн төрлөөр мэдээллээ бэлтгэж хүргэх аж. Тус сайтын нээлтэд төвийн болон орон нутгийн хэвлэл мэдээллийн байгууллагуудын төлөөлөл, Замын-Үүд сумын төрийн байгууллагын удирдлагууд, иргэд, бизнес эрхлэгчид, уран бүтээлчдийн төлөөлөл оролцлоо.

Түүнчлэн www.GoviNews.mn вэб систем болон брэнд дизайныг нь Монголын хамгийн олон мэдээллийн вэб сайт бүтээсэн, 2023 оны “Web awards”-ын эзэн “Цаст солюшн” ХХК хөгжүүлэн ажиллаж байна. Тус компанийн захирал Л.Баатархүү “Бид орон нутагт тэр дундаа Замын-Үүдэд анх удаа  брэнд дизайнтай, хамгийн хурдан ачааллах технологийн чадамжтай, ялгарахуйц дизайны шийдэл бүхий govinews.mn мэдээллийн вэбээ хөгжүүлэн нээж байна. Тус сайтын дизайныг нь “Говийн хүн” хөрөг булан, “Нүд” эрэн сурвалжлах булан, фото, лайв, видео, бизнес гээд харилцагчийн редакцийн нийтлэлийн бодлогын онцлогт уялдуулан уян хатнаар шийдсэн” гэлээ.