Тодруулбал улс орон хатуу хөл хорионд орсон энэ үед НЭМГ Бат Девелопмент ХХК-аас нэг удаагийн маск 474.800.000 төгрөгөөр авсан байна. Гэтэл ДЭМБ-аар батлагдсан “Moderna”-гийн вакцин нь нэг хүнд хоёр тун хийх нэг багц нь 50-60  орчим ам.долларын үнэтэй байх юм. Харин “Pfizer” болон “BioNTech” компанийн вакцины хоёр тун нь 40 орчим ам.доллар, “AstraZeneca”  болон  Оксфордын их сургуулийн вакцин тун нь дөрвөн ам.доллар, “Johnson & Johnson” компанийн вакцин тун нь 10 орчим ам.долларын үнээр худалдаалахыг мэдэгдээд байна. Хамгийн өндөр үнэтэй “Moderna” вакцинаар тооцож үзэхэд нэг хүний вакцин 113960 төгрөг болж байна. Ингээд тооцоод үзэхэд ганцхан сард худалдаж авсан нэг удаагийн маскны мөнгөөр хамгийн үнэтэй вакцинд 4176 хүн хамрагдах боломжтой юм.