БАЙГАЛЬ ОРЧИН, АЯЛАЛ ЖУУЛЧЛАЛ, ХУДАЛДАА ҮЙЛЧИЛГЭЭНИЙ САЛБАРЫН ЗӨВЛӨГӨӨН, ҮЗЭСГЭЛЭН ХУДАЛДАА БОЛЖ БАЙНА. Сэлэнгэ аймаг 2024 оныг "Аялал жуулчлал , ногоон хөгжлийг дэмжих жил" болгон зарласан. Зарласан жилийн хүрээнд байгаль орчин, аялал жуулчлал, худалдаа үйлчилгээний салбарын бодлого, шийдвэрийг сурталчлан таниулах, "Тэрбум мод", "Хүнсний хангамж, аюулгүй байдал" үндэсний хөдөлгөөнийг эрчимжүүлэх, анхаарах асуудлыг тодорхойлох зорилгоор "БАЙГАЛЬ ОРЧИН, АЯЛАЛ ЖУУЛЧЛАЛ, ХУДАЛДАА ҮЙЛЧИЛГЭЭНИЙ САЛБАРЫН ЗӨВЛӨГӨӨН"-ийг аймгийн төв Сүхбаатар суманд зохион байгуулж байна. Зөвлөгөөнд аймаг орон нутгийн удирдлагууд, БОАЖЯ, ХХААХҮЯ, Засгийн газрын хэрэгжүүлэгч агентлаг Ойн газар, байгаль орчин, аялал жуулчлал, худалдаа үйлчилгээний салбарт үйл ажиллагаа эрхлэгч аж ахуйн нэгж иргэд, сумдын холбогдох албаны төлөөлөл оролцож байна. Зөвлөгөөний хүрээнд Партизаны талбайд тарьц суулгац, аялал жуулчлалын бараа бүтээгдэхүүний үзэсгэлэн худалдаа, хоол үйлдвэрлэлийн үйлчилгээ явагдаж байна.