"ЭМГЛ" ХК-ийн ТУЗ-ийн дэргэдэх Ерөнхий аудитор С.Мөнхчулуун компанийнхантайгаа нийлж мод тарьжээ. Эрдэнэс Монгол ХХК-ийн охин компани Эрдэнэс Алт Ресурс ХХК-ийн хамт олон үйл ажиллагаа явуулж буй Дундговь аймгийн Гурвансайхан сумынхаа нутаг дэвсгэрт 50000 мод суулгалаа. Өнгөрсөн онд 83000 мод суулгасан бөгөөд ургалт хэвийн байна. Модны усалгаа арчилгааг тус компани өөрөө хариуцан ажиллах юм. Мөн Их газрын чулууны цогцолбор газарт 1000 мод суулгаж, Хустайн цогцолбор газраас 50 тарвага авч Их газрын чулууны байгалийн цогцолбор газарт нутагшуулан үржүүлж байгаа юм.