ЦойлогсоZ залуусын нэгдэл анх 2020 онд байгуулагдаж байсан бөгөөд нийт 4 жилийн хугацаанд өрнөсөн үйл явдлаа тайлагналаа. Байгуулагдсанаасаа хойш өдийг хүртэл нийгэм, залуусын хөгжилд эерэг өөрчлөлтүүд авчрах олон үйл ажиллагааг зохион байгуулж, залууст тулгарч буй асуудлын шийдлийг эрэлхийлж, гарц гаргалгааг хамтдаа олохыг зорьсоор ирсэн юм.

Тайлангийн үеэр тэд хамтдаа томоохон хэмжээний хүрээлэл /networking/ үүсгэж, өөрсдийнхөө үндэсний онцлогийг /identity/ таньж мэдэхээр боломжуудаа онилж, хамтарч ажиллахаар зорьж яваагаа онцоллоо. Цаашид арга хэмжээгээ илүү өргөжүүлэхээр зорьж байгаа ажээ.

ЦойлогсоZ залуусын нэгдлийг хамтран үүсгэн байгуулагч Б.Батзориг “Шинэ үеийн залуусыг сэтгэлгээний хувьд цойлоосой гэж зорьсон учир ЦойлогсоZ-ыг байгуулсан.

Олон улсын байгууллагууд, томоохон хувийн хэвшлүүд, салбар салбарын залуус хамтдаа асуудлаа хэлэлцэн, үүнээс хамгийн гол нь шийдлүүд олж, үр дүн гараасай гэж бидний зүгээс хүсэж байгаа.

Энэ бол ЦойлогсоZ-ын сүүлийн “Youth Conference” арга хэмжээ. Сүүлийнх гэдэг нь эцсийнх гэсэн үг биш. Бид үйл ажиллагаагаа өргөжүүлэхийн тулд ирэх жилээс 21 аймаг болоод хотын захын дүүргүүд, Ази, Европын орнуудад амьдарч буй монгол залуус руугаа чиглэсэн арга хэмжээг зохион байгуулах болно” гэв.

#NationalYouthConference #Synergy #GoMongolia #TsoilogsoZ