Орхон  аймгийн ИТХ-ын 9 дэх удаагийн сонгуулийн бүрэн эрхийн анхдугаар хуралдаанаар аймгийн Засаг даргыг томилох тухай асуудлыг хэлэлцлээ. 

Аймгийн МАН-ын хорооноос аймгийн Засаг даргад Жаргалант сумын Засаг дарга Б.Зоригтбаярыг, АН-аас Уртын гол багийн төлөөлөгч Д. Ганболд  нарыг тус тус нэр дэвшүүлэв. 

Нэр дэвшигчдээс төлөөлөгчид асуулт асууж, санал хэлсний эцэст санал хураалтыг нууцаар явууллаа.

Ингээд төлөөлөгчдийн олонхийн  буюу 51.3 хувийн саналаар буюу Жаргалант сумын Засаг дарга Б.Зоригтбаярыг аймгийн Засаг даргад дэмжиж, тогтоолыг Ерөнхий сайдад уламжлахаар шийдвэрлэлээ.

  Бямбадашийн Зоригтбаяр нь Завхан аймгийн Тосонцэнгэл суманд 1983 онд төрсөн.  Ам бүл 6. Эдийн засагч, хүн амзүйч мэргэжилтэй. Орхон аймгийн Жаргалант сумын ХААН банкны эдийн засагч, Орхон аймгийн Төрийн банкны тооцооны төвийн захирал зэрэг албыг тус тус хашиж байсан. 2016 оноос Орхон аймгийн Жаргалант сумын Засаг даргаар ажиллаж байна.

- 2012 онд Орхон аймгийн Жаргалант сумын ИТХ-ын төлөөлөгч

- 2016 онд Орхон аймгийн Жаргалант сумын ИТХ-ын төлөөлөгч

- 2020 онд Орхон аймгийн ИТХ-ын болон Орхон аймгийн Жаргалант сумын ИТХ-ын төлөөлөгч

- 2015-2021 он хүртэл Жаргалант сумын МАН-ын хорооны дэд дарга, 

- 2021 оноос одоог хүртэл Жаргалант сумын МАН-ын хорооны даргын үүргийг гүйцэтгэж байна.