Монгол ардын уртын дуу, морин хуурыг залуу үед өвлүүлэн эзэмшүүлэх, дуулах, хуурдах эрдэмд сургах ажлыг бүх нийтээр үндэсний бахархал болгон дээдлэн дэлгэрүүлэх зорилгоор Соёл, спорт, аялал жуулчлал, залуучуудын яам, НЗДТГ-ын дэмжлэгээр Нийслэлийн Соёл, урлагийн газар, Налайх дүүргийн Соёлын ордон хамтран “Хууртай мөнхрөх аялгуу-2024” олон улсын уртын дуу дуулаачдын уралдааныг 2024 оны 11 дүгээр сарын 09-ний өдөр зохион байгууллаа.

Тус уралдаанд Монгол Улсын 12 аймаг, нийслэлийн 9 дүүрэг болон Франц Улс, ОХУ-ын Бүгд Найрамдах Буриад Улс, ӨМӨЗО-ны ардын авьяастан, өвлөн уламжлагчид нийт 80 гаруй уртын дуучид, 20 гаруй морин хуурчид оролцлоо.

Уралдааны шагналтнууд:

БАГА НАС

Тэргүүн байр: Э.Тэгшбаяр (УБ хотын Чингэлтэй дүүрэг)

Дэд байр: Т.Ану-Үжин (Завхан аймгийн Их-Уул сум)

Гутгаар байр: Т.Тэмүүлэн (Баянхонгор аймгийн Өлзийт сум)

ДУНД НАС

Тэргүүн байр: Д.Энхтайван (Баянхонгор аймгийн Баянцагаан сум)

Дэд байр: М.Цэрэнханд (Дундговь аймгийн “Тэнгэрийн тэмдэг хүүхдийн театр)

Гутгаар байр: Ө.Энхжаргал (Дундговь аймгийн Цагаандэлгэр сум)

АХЛАХ НАС

”Гран При” шагнал Ю.Дагдан (УБ хотын Баянзүрх дүүрэг)

Тэргүүн байр: А.Хатанбаатар (Өвөрхангай аймгийн Хужирт сум)

Дэд байр: Б.Отгонжаргал (Завхан аймгийн Тосонцэнгэл сум)

Гутгаар байр: Э.Дорждагва (Дундговь аймгийн Цагаандэлгэр сум)

”ШИЛДЭГ МОРИН ХУУРЧ”-аар М.Алтанбат (УБ хот Хан-Уул дүүрэг) нар шалгарлаа.