Дүүргийн Засаг дарга Ц.Баттөр Сонгинохайрхан нэгдсэн эмнэлэгт ажиллалаа. Нэгдсэн эмнэлэг 633 эмч ажилтантай, амбулаторийн 28 төрлийн тусламж, үйлчилгээг иргэдэд хүргэж байна.

Хүүхдийн тасаг нь 140 ортой хэдий ч томуугийн өвчлөл нэмэгдэж хэвтэн эмчлүүлэх хүүхдийн тоо өссөнтэй холбогдуулан нэмэлтээр 70 ор гаргажээ. Өвлийн улиралд томуу, томуу төст өвчний дэгдэлтийн үед хэвтэн эмчлүүлэх хүүхдийн тоо нэмэгдэж байгаа учраас хүүхдийн тасагт нэмэлт ор байршуулах шаардлага байгааг эмнэлгийг удирдлагууд тайлбарлалаа.

Энэ асуудалтай холбогдуулан дүүргийн засаг дарга богино хугацаанд хүүхдийн тасгийн орыг нэмэгдүүлж шаардлагатай ажил арга хэмжээг авч ажиллахыг холбогдох газар хэлтэст үүрэг болголоо.