Монгол Улсын Ерөнхий сайдын 2024 оны 71 дүгээр захирамжаар батлагдсан “Эрэгтэй, эмэгтэй хүний дундаж наслалтын зөрүүг багасгах талаар авч хэрэгжүүлэх арга хэмжээний төлөвлөгөө (2024-2027) танилцуулах арга хэмжээг өнөөдөр /2024.10.31/ Жендэрийн Үндэсний хороотой хамтран зохион байгууллаа.

Тус арга хэмжээнд Хан-Уул дүүргийн Засаг даргын орлогч Ч.Базарзаяа , Жендэрийн үндэсний хорооны ажлын албаны Эрэгтэйчүүдийн хөгжлийн асуудал хариуцсан мэргэжилтэн Д.Батхишиг, дүүргийн Засаг даргын Тамгын газар болон дэргэдэх газар, хэлтэс, албадын холбогдох албан тушаалтнууд оролцлоо.

Танилцуулгаар эрэгтэй, эмэгтэй хүний дундаж наслалтын зөрүүг багасгах талаар хэрэгжүүлэх арга хэмжээний төлөвлөгөө болон цаашид хэрхэн хэрэгжүүлэх гарц, шийдлийн талаар мэдээлэл хүргэж, харилцан санал солилцов.