Монгол Улсын Батлан хамгаалах салбарын уураг тархи нь болсон яамны нийт ажилтан, албан хаагчидтайгаа уулзаж, өдөр тутмын үйл ажиллагаагаа ил тод, нээлттэй, хурдан шуурхай, хуулийн хүрээнд хүнд сурталгүй явуулах үүрэг чиглэл өгч, нийт бие бүрэлдэхүүнтэй танилцлаа.

Батлан хамгаалахын сайдын хувьд салбарын хамгийн үнэт зүйл бол хүн гэж үзэж байна. Тийм ч учраас албан хаагчдынхаа нийгмийн хамгааллын асуудлыг онцгой анхаарч ажиллана аа.

Яам бол батлан хамгаалах салбарын уураг тархи, цохилох зүрх нь. Та бүхний ажлын чиг үүрэг эгэл бор цэргүүдээ хайрлахаас, тэдний эрх ашгийг нь хамгаалахаас эхэлнэ. Үүнийг мартаж болохгүй.

Эх орондоо өргөсөн тангарагтаа үнэнчээр зүтгэж, үндэсний аюулгүй байдал, тусгаар тогтнолын төлөө эрхэм үүргээ биелүүлж ажиллахыг хүсье ээ.