ЗГХЭГ-ын дарга Н.Учрал: Монголын баялгийг Монгол хүн хүртэх реформыг хэрэгжүүлнэ

Үйл явдал

2024-08-24

“Эрдэнэс Монгол нэгдлийн эхний хагас жилийн ажлын үр дүн-өвөлжилтийн бэлтгэл” сэдэвт удирдах ажилтны зөвлөгөөн өнөөдөр (2024.08.24) Багануур ХК-ийн байранд болж байна.

Зөвлөгөөнд Монгол Улсын сайд, ЗГХЭГ-ын дарга Н.Учрал, “Эрдэнэс Монгол” компанийн ТУЗ-ийн дарга Ш.Мөнхцэрэн, гүйцэтгэх захирал С.Наранцогт нар болон нэгдлийн бүрэлдэхүүний охин, харьяа компанийн удирдлагууд оролцож байна.

Н.Учрал сайд төрийн өмчит уул уурхайн компаниудын засаглал, үйл ажиллагааг сайжруулж, үр ашгийг дээшлүүлэх, улс орон, ард иргэдэд хүртээх баялгийн үр өгөөжийг нэмэгдүүлэх, “Монголын баялаг Монгол хүндээ” уриатай Үндэсний баялгийн санг бүрдүүлэх реформыг танилцуулж, Засгийн газрын үйл ажиллагааны хөтөлбөртэй хэрхэн уялдуулж хэрэгжүүлэхээ танилцуулав.

“Эрдэнэс Монгол” нэгдэл эхний хагас жилд 3.8 их наяд төгрөгийн цэвэр ашигтай ажилласан. Нэгдлийн үйлдвэрлэлийн үзүүлэлтийн хувьд, ашиглалтын үйл ажиллагаа явуулж буй компани, үйлдвэрийн газруудын хагас жилийн гүйцэтгэлээр олборлолт 100%, баяжмал үйлдвэрлэл 106%, хөрс хуулалт 88%-тай байна.

Санхүүгийн үзүүлэлтийн хувьд жилд 17,4 их наяд төгрөгийн орлого бүрдүүлэхээр төлөвлөснөөс 9.0 их наяд төгрөгийн орлого олж, улсад 2.6 их наяд төгрөгийн татвар, хураамж төвлөрүүлж, төлөвлөгөөгөө 140% биелүүлээд буй.

Өвөлжилтийн бэлтгэл ажлын хувьд, нэгдлийн олборлолт, үйлдвэрлэл, тээврийн үйл ажиллагаа эрхэлдэг компани, үйлдвэрийн газрууд нь 6 чиглэлээр 810 ажил төлөвлөснөөс дундаж гүйцэтгэл 44.1%-тай байгаа юм.

Энэ мэдээ танд ямар санагдав?

Сэтгэгдэл:

Таны IP: (3.139.234.68)

АНХААРУУЛГА: Уншигчдын бичсэн сэтгэгдэлд https://www.ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.