Сурагчдын амралт эхлэхтэй холбогдуулан иргэдийг цэвэр агаарт цагийг ая тухтай өнгөрөөх амралт, жуулчны баазууд руу хүргэх нийтийн тээврийн тусгай маршрутын талаар санал авч эхэллээ.

Тодруулбал, иргэдийг цэвэр агаартай, ой мод бүхий хэсэгт хүргэх нийтийн тээврийн маршрутын асуулгад,

• Офицеруудын ордноос Тэрэлж “Жигүүр” гэр бүлийн амралт
• Сүхбаатарын талбайгаас Дугуй цагаан “Тохижилт бүхий талбай”
• Сүхбаатарын талбайгаас Скай ресорт цанын бааз
• Сүхбаатарын талбайгаас Хандгайт “My house” амралтын газар
• Саппарогоос Найрамдал “Номун медикал” сувилал
• Яармагийн I буудлаас Жаргалантын ам “Чингис хааны хүрээ” аялал жуулчлалын цогцолбор зэрэг чиглэлийг санал болгожээ.

Түүнчлэн иргэд тухайн газраа очоод хэр удах, тусгай автобусны тариф, явж эхлэх болон буцах хугацааг асуулгад багтаажээ. Онцолбол, нийслэлийн сурагчдын амралтаар иргэд хүүхдээ дагуулан дээрх чиглэлүүдэд тусгай автобусаар агаарт гарч бас буцаж ирэх боломжтой болох аж.

Иргэд та бүхэн ЭНД дарж саналаа өгөөрэй.