Сайд дарга нарын тансаглал, эрх ямба хэрээс хэтэрч байхад ард иргэдийн амьдрал улам дордож, тартагтаа тулж байна. Хөгжлийн банкны захирлаар ажиллаж байхдаа олонд танигдсан Н.Мандуул орон нутгийн сонгуульд Чингэлтэй дүүрэгт МАН-аас “МАНДУУЛЪЯ” гэсэн уриатайгаар нэр дэвшиж ялалт байгуулсан. Улмаар 2024 оны 10 дугаар сарын 23-нд Дүүргийн Засаг дарга болсон. Чингэлтэй дүүргийн 12-р хороо, “Хүчит шонхор” захад архичид бөөгнөрч, түүхий мах, өөх, өвдөл цовдолоор хооллож байхад дүүргийн Засаг дарга нь төрөөс их хэмжээний ЦАЛИН ХАНГАМЖ ХҮРТЭЖ, унах унаагаа хүртэл өөр дүүргийн ДУЛААН ГАРААШТ хонуулж, татвар төлөгчдийн мөнгийг дэмий зүйлд үрж, ЁСТОЙ Л МАНДУУЛЖ, МАНАРГАЖ ЯВНА.

Тодруулбал, Чингэлтэй дүүргийн Засаг даргын Тамгын газрын дарга 2024 оны 10 дугаар сарын 31-ний өдрийн А/321 тоот тушаалаараа дүүргийн Засаг даргын албан хэрэгцээнд унадаг 40-91 УНЧ  улсын дугаартай, хар өнгийн саното маркийн автомашиныг Баянзүрх дүүргийн 14-р хорооны 14-р хорооллын 13334-88 дугаар байрны Y-220402099527 үл хөдлөхийн гэрчилгээтэй авто зогсоолд 2024 оны 11 дүгээр сараас 2025 оны 4 дүгээр сар хүртэлх зургаан сарын хугацаанд сарын 350 мянган төгрөг төлж дулаан байлгахаар болж, 2 сая 100 мянган төгрөгийг зарлагаджээ.

Түүнчлэн ТАТВАР ТӨЛӨГЧДИЙН ТӨЛСӨН 15 сая 115 мянган төгрөгөөр “Спортын наадам 2024” тэмцээнд оролцохын тулд тус бүр нь 115 мянган төгрөгийн үнтэй 35 ширхэг САГС, ВОЛЕЙБОЛЫН ӨМСГӨЛ, тус бүр нь 220 мянган төгрөгийн үнэтэй 40 ширхэг БИЕИЙН ТАМИРЫН ХУВЦАС, 1 сая 720 мянган төгрөгийн хоол, ус, ундаа, энержи зэргийг авахад зарцуулах тушаалыг 2024 оны 11 сарын 12-нд гаргажээ

Төрийн хэмнэлтийн тухай хууль гэж УИХ-аас 2022 онд баталж, мөрдөн хэрэгжүүлж байгаа ч Чингэлтэй дүүрэгт энэ хууль л лав хэрэгжихгүй байгаа нь дээрх хоёр тушаалаас илт харагдана.