Шивээ-Овоогийн хүрэн нүүрсний уурхайн 1-р шатны гүйцээх хайгуул хийгдэж дууслаа
Үйл явдал
/
2024-11-11
Жиргэх
Шивээ-Овоогийн хүрэн нүүрсний уурхайн Шинэ-Усны хэсэгт олон улсын (Жорк) стандартын дагуу 1-р шатны гүйцээх хайгуулыг “Эрдэнэс Монгол” ХХК-ийн хөрөнгө оруулалтаар 2024 оны 08 дугаар сарын 05-наас 10 дугаар сарын 30-ний хооронд “Монгоулд” ХХК гүйцэтгэж дууслаа.
Тус уурхай нь 1990 оноос үйл ажиллагаагаа эхлүүлсэн, нүүрсний орд нь 29,500.0 га талбайг хамардаг бөгөөд нийт 2.7 тэрбум тонн нүүрсний таамаг нөөцтэй. “Эрдэнэс Монгол” нэгдлийн эзэмшиж буй Шинэ-Усны хэсэгт 1986-1987 онд геологи хайгуулын судалгааны ажлыг хийж гүйцэтгэн ордын нөөцийг эрдсийн санд бүртгүүлсэн. Тухайн үед хийгдсэн геологи, хайгуул судалгааны ажлыг гүйцээх зорилгоор олон улсын жишигт нийцсэн нэмэлт хайгуулын ажлыг хийж гүйцэтгэж эхлээд байна. Тодруулбал, 1-р шатны гүйцээх хайгуулын хүрээнд, нийт 9086,1 тууш метр өрөмдлөг хийж, 9054,35 гүн цооног гаргаж, 1799 ширхэг дээжлэлт, лобраторийн шинжилгээний ажлыг гүйцэтгэжээ.
Нийт 3 үе шаттай үргэлжлэх энэхүү гүйцээх хайгуулыг олон улсын (Жорк) стандартын дагуу хийснээр уулын ажлыг оновчтой төлөвлөх, үйлдвэрлэлийн нөөцийн хаягдал, бохирдлын хэмжээг оновчлох, технологийн процессыг зохион байгуулахаас гадна батлагдсан нөөц нэмэгдэж, уурхай урт хугацаанд үйл ажиллагаагаа тогтвортой явуулах боломж бүрдэх юм. Мөн Монгол Улсын эрчим хүч, цахилгаан дулааны тасралтгүй хэрэгцээг хангах ач холбогдолтой юм.
Орд нь “Шинэ-Ус”, “Өехий цагаан” болон “Ногоон тойром” гэсэн 3 үндсэн хэсгээс бүрдэж байгаа ба үүнээс Шинэ-Усны хэсгийн “Эрдэнэс Монгол” ХХК-ийн 605 сая.тонн нөөцтэй 4,290 га талбайд “Шивээ овоо” ХК үйл ажиллагаагаа явуулж байна.
Энэ мэдээ танд ямар санагдав?
0
0
0
0
0
0
Сэтгэгдэл:
Таны IP: (18.119.135.67)
АНХААРУУЛГА: Уншигчдын бичсэн сэтгэгдэлд https://www.ulsturch.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Авлигатай тэмцэх 5Ш ажиллагааны хүрээнд хийгдсэн “Шил” ажиллагааны хэрэгжилтийн талаар мэдээлэл сонслоо

2 цаг 53 мин

Санхүүгийн зохицуулах хорооны Хяналтын зөвлөлийн гишүүнд нэр дэвшигчтэй хийх нэр дэвшигчийн сонсголыг зохион байгуулна

2 цаг 55 мин

Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай хуулийн төсөл өргөн мэдүүлэв

2 цаг 56 мин