Төрийн албаны зөвлөлөөс зохион байгуулж буй “Шинэтгэлээр түүчээлсэн Салбар зөвлөл” аяны хүрээнд Төрийн албаны болон Төрийн албан хаагчийн ёс зүйн тухай хууль тогтоомжийн хэрэгжилтийг хангах, удирдлагын манлайллыг нэмэгдүүлэх, ёс зүй, сахилга хариуцлагын тогтолцоог сайжруулах зорилгоор “Төрийн албаны ёс зүй, манлайлал, байгууллагын соёл” сэдэвт сургалтыг зохион байгууллаа.

Уг сургалтад Засгийн газрын хэрэгжүүлэгч агентлаг Соёл, урлагийн газар, Биеийн тамир, спортын улсын хороо, Нийслэлийн Соёл, урлагийн газар, Биеийн тамир, спортын газар болон Соёл, спорт, аялал жуулчлал, залуучуудын яамны харьяа соёлын байгууллагуудын нийт 45 удирдах албан тушаалтан хамрагдав.

• “Өөрчлөлт шинэчлэлийн манлайлал” сэдвээр Удирдлагын Академийн захирал, доктор (Ph.D), дэд профессор Д.Сүрэнчимэг,

• “Ёс зүй, хүний эрхийг дээдэлсэн байгууллагын соёлыг бүтээх нь” сэдвээр Монгол Улсын Ёс зүйн хорооны орон тооны бус гишүүн, Удирдлагын Академийн Улсын салбарын удирдлагын тэнхимийн багш, доктор (Ph.D), дэд профессор Ч.Эрдэнэчимэг нар сургалт орж,

• ССАЖЗ-ын яамны Соёлын өвийн бодлогын хэрэгжилтийг зохицуулах газрын дарга, Ёс зүйн дэд хорооны дарга, Төрийн албаны зөвлөлийн ССАЖЗ-ын яамны дэргэдэх Салбар зөвлөлийн даргын албан үүргийг түр орлон гүйцэтгэгч Б.Даваацэрэн ССАЖЗ-ын сайдын 2025 оны “Соёл, спортын салбарын үйлчилгээний чанар хүртээмжийг нэмэгдүүлэх, төрийн албан хаагчдын сахилга, хариуцлага, ёс зүйн хэм хэмжээг сайжруулах тухай” 01 тоот албан даалгаврыг танилцууллаа.