Бурхангуй газрын бумба галзуурна гэж үгтэй. Хэлж захирах, хямгадаж зандрах хүнгүй болохоор УСУГ-ын дарга Ц.Төрхүү “даам” байна. Цэргийн баярыг тохиолдуулан ажлынх нь бүсгүйчүүд цагаан цамцаар жигдэрч, мэндчилгээ дэвшүүлэн, хоол цайгаар дайлсан нь Ц.ТӨРХҮҮ даргад таалагдаагүй бололтой. Гоё дуул, зарим бүсгүйчүүд гурилдаад байна, бэлдсэн юм аа үзүүл...” гэхчлэн захирангуй хандаж, ямаршуухан авиртай дарга вэ гэдгээ өөрөө харуулчихав.

Харин хотын даргынхаа гутлыг долоох нь холгүй бялдуучилж, Х.Нямбаатар дарга шөнө унтаж чадахгүй, нойроо хасаж ажиллаж байна. Би төрд олон жил ажиллахдаа ийм сайн дарга хараагүй гэж байсан бол удирдлага доорх бүсгүйчүүдээ “хүчирхийлэх” мэт үгээрээ айлган сүрдүүлж, үйлдлээрээ дарамталж байгаа нь “ДЭЭДЭСТ ДОЛГИНУУР, ДООДУУЛД ДЭЭРЭНГҮЙ” хандлагатай Монгол дарга нарын нийтлэг төрхийг харууллаа.  Төрд олон жил ажиллахдаа нэг байгууллагад “хувалз шиг” шигдсэн Ц.ТӨРХҮҮ мэтийн дарга нар өөрийгөө ХААН мэт сэтгэж, ажилчдаа БООЛ мэт дорд үзэж байгаа нь ХУУЛЬ ЗАСАГЛАЛАГ манай улсад бол “ЭНГИЙН ҮЗЭГДЭЛ” ажээ...